Arsenali ende nuk ka zgjidhur problemin e quajtur Alexis Sanchez, pasi kiliani ende nuk ka rinovuar kontratën me klubin.

Sanchez është në vitin e fundit të kontratës me gjigantin anglez dhe në rast të mos vazhdimit të kontratës ai mund të largohet me parametra zero në fund të këtij sezoni.

Manchester City është skuadra e interesuar për shërbimet e tij dhe mund të dërgojë ofertë në afatin kalimtar të janarit për ta transferuar në Etihad Stadium, raporton Daily Mail, transmeton arbresh.info.

Por, skuadra e drejtuar nga trajneri francez Arsene Wenger e dëshiron yllin e Cityt, Raheem Sterling si pjesë e marrëveshjes në të kundërten nuk do të ketë ndonjë marrëveshje.

Sterling ishte shumë afër kalimit te Arsenali në ditën e fundit të afatit kalimtar të verës por dështoi për shkak se City nuk arriti ta bind Wengerin që ta shes Sanchezin.

Ish mesfushori i Liverpoolit, bën pjesë në planet e Guardiolës dhe trajneri katalan e shëh si shumë të rëndësishëm 22 vjeçarin. /arbresh.info/